3.13. Рассмотрение жалоб и апелляций
3.13.1. Organ ushbu tartibda shikoyatlar va apellyatsiyalarni qabul qilish, baholash hamda ular yuzasidan qarorlar qabul qilish jarayonini nazarda tutgan. Organ shikoyatlar va apellyatsiyalarni, shuningdek, ularni hal etish bo‘yicha ko‘rilayotgan chora-tadbirlarni OS.PR-02/F-03 shaklidagi jurnalda ro‘yxatga oladi va kuzatib boradi.
3.13.1.1. Apellyatsiyalar quyidagi hollarda berilishi mumkin:
- arizani ko‘rib chiqish yoki sertifikatlashtirilgan mahsulotga muvofiqlik sertifikatini berish rad etilganda;
- muvofiqlik sertifikatining amal qilishi bekor qilinganda yoki to‘xtatib turilganda.
Shuningdek, mahsulotning standart talablariga muvofiqligi yoki nomuvofiqligi, Organ tomonidan belgilangan muayyan standartni qo‘llash bilan bog‘liq bahsli masalalar yuzaga kelganda ham apellyatsiyalar berilishi mumkin.
Apellyatsiyalar Organga, Milliy sertifikatlashtirish organiga (MSO) yoki xo‘jalik sudiga taqdim etilishi mumkin.
3.13.1.2. Shikoyatlar sertifikatlashtirish organi (SO) faoliyatidan norozilik bildirilgan hollarda taqdim etiladi. Ariza beruvchi shikoyatning mazmuni bayon etilgan rasmiy xatni Organga taqdim etadi.
3.13.2. Shikoyat yoki apellyatsiya kelib tushgandan so‘ng, Organ uning o‘z sertifikatlashtirish faoliyatiga tegishliligini ko‘rib chiqadi va bu tasdiqlangan taqdirda, shikoyat yoki apellyatsiyani ko‘rib chiqish uchun qabul qiladi.
3.13.3. Organ OS.PR-02/F-04 shakliga muvofiq shikoyat yoki apellyatsiya beruvchiga uning shikoyati yoki apellyatsiyasi qabul qilib olinganligi haqida tasdiqnoma yuboradi.
3.13.4 Процесс.
3.13.4.1. Apellyatsiya Organga taqdim etilgan taqdirda, korxona direktori tomonidan Apellyatsiya komissiyasi raisi tayinlanadi.
Apellyatsiya komissiyasi raisi mustaqil shaxs bo‘lishi kerak. U Organning shtatdagi xodimi bo‘lishi ham, shtatda ishlamaydigan shaxs bo‘lishi ham mumkin.
Rais 5 kun ichida kamida 4 kishidan iborat Apellyatsiya komissiyasi tarkibini shakllantiradi. Komissiya a’zolarining hech biri nizolashayotgan tomonlar bilan manfaatlar to‘qnashuviga olib keladigan aloqadorlikka ega bo‘lmasligi kerak.
Komissiya tarkibiga Xolislik bo‘yicha kengash, Texnik qo‘mita, O‘zbekiston texnik jihatdan tartibga solish agentligi, boshqa sertifikatlashtirish organlari vakillari va boshqa mutaxassislar kiritilishi mumkin.
Standartni qo‘llash bilan bog‘liq bahsli masala ko‘rib chiqilganda, komissiya tarkibiga standartlashtirish bo‘yicha vakil, standartlashtirish bo‘yicha tayanch tashkilot yoki ko‘rib chiqilayotgan standart uchun mas’ul ishlab chiquvchining vakili kiritilishi shart.
Nizolashayotgan tomonlarning vakillari komissiya majlisida kuzatuvchi sifatida ishtirok etish huquqiga ega.
Apellyatsiya komissiyasi masalani xolisona ko‘rib chiqishi va qarorni oddiy ko‘pchilik ovoz bilan qabul qilishi kerak.
Odatda, komissiya raisi ovoz berishda ishtirok etmaydi. Biroq ovozlar teng bo‘lingan taqdirda, yakuniy qarorni rais qabul qiladi.
Yozma (sirtqi) ovoz berish jarayonida qaror komissiya a’zolarining oddiy ko‘pchiligi tomonidan ma’qullangan taqdirda qabul qilingan hisoblanadi.
Komissiya a’zolari 3 kun ichida o‘z fikrlarini majburiy tartibda bildirishlari shart.
Apellyatsiya komissiyasi qarori komissiya tayinlangan kundan boshlab ikki haftadan kechiktirmay qabul qilinishi kerak.
Odatda, Apellyatsiya komissiyasi quyidagi qarorlardan birini qabul qilishi mumkin:
- arizani ko‘rib chiqishni rad etish;
- muvofiqlik sertifikatini berish;
- muvofiqlik sertifikatini berishni rad etish;
- berilgan muvofiqlik sertifikatini bekor qilish.
3.13.4.2. Shikoyat Organga taqdim etilgan taqdirda, korxona direktori 3 kun ichida shikoyatni ko‘rib chiqish uchun mas’ul shaxsni tayinlaydi.
Mas’ul shaxs 5 kun ichida Organ rahbari bilan birgalikda shikoyatning mohiyatini o‘rganadi, uning sabablarini va hal etish usullarini aniqlaydi.
Shu maqsadda mas’ul shaxs taqdim etilgan materiallarni o‘rganadi hamda zarur deb topilgan hollarda nizolashayotgan har ikki tomon bilan bevosita suhbat o‘tkazadi.
Shikoyat ko‘rib chiqilib, o‘rganilgandan so‘ng, uning natijalari korxona direktoriga taqdim etiladi. Korxona direktori shikoyatni qanoatlantirish to‘g‘risida qaror qabul qiladi.
3.13.5. Organ shikoyat yoki apellyatsiya yuzasidan qaror qabul qilish uchun zarur bo‘lgan barcha ma’lumotlarni to‘plash va ularning ishonchliligini tekshirish (imkon qadar) uchun javobgar hisoblanadi.
3.13.6. Shikoyat yoki apellyatsiyani qanoatlantirish bo‘yicha qarorlar ushbu shikoyat yoki apellyatsiya bilan bog‘liq sertifikatlashtirish faoliyatida ishtirok etmagan shaxs (shaxslar) tomonidan qabul qilinadi yoki ko‘rib chiqilib, tasdiqlanadi.
3.13.7. Manfaatlar to‘qnashuvining oldini olish maqsadida buyurtmachiga maslahat xizmatlarini ko‘rsatgan (3.2-bandga qarang) yoki buyurtmachi tomonidan ishga yollangan xodimlar (shu jumladan, rahbar xodimlar) maslahat xizmatlari ko‘rsatish yoki buyurtmachi uchun ishlash yakunlanganidan keyin ikki yil davomida ushbu buyurtmachining shikoyati yoki apellyatsiyasini tahlil qilish yoxud ular yuzasidan qaror qabul qilish jarayoniga sertifikatlashtirish organi tomonidan jalb etilmaydi.
3.13.8. Organ barcha mumkin bo‘lgan hollarda OS.PR-02/F-05 shakliga muvofiq ariza beruvchini shikoyat yoki apellyatsiyani ko‘rib chiqish natijalari hamda ko‘rib chiqish jarayoni yakunlanganligi to‘g‘risida rasmiy ravishda xabardor qiladi.
3.13.9. Organ apellyatsiya yoki shikoyat beruvchini apellyatsiya yoki shikoyatni ko‘rib chiqish natijalari hamda ko‘rib chiqish jarayoni yakunlanganligi to‘g‘risida rasmiy ravishda xabardor qiladi.
